Halbjørg Mørch Christiansen av Strondum hevur lagt videobrot út á ein bólk á Facebook, har hon filmaði flogmýs í túninum hjá sær.

Hettar er ikki nakað vit síggja í tí dagliga í Føroyum, og hóast tær kunnu flúgva lang strekkir í einum, er hettar er ikki nakað vit síggja í tí dagliga.

Halbjørg greiður frá:

Flogmúsin var í túninum hjá okkum í eini 4 dagar men vit hava ikki sæð hana teir síðstu dagarnar.

Vit hava tó heldur ikki verið heima, so kanska hon er her enn.

Tær eldru genturnar vóru sera spentar í henni og kallaðu hana Bruce.

Tær halda at hon er sera áhugaverd og spennandi tí hettar er ikki ein so vanlig sjón.

Flogmýs eru einasta súgdjór, sum kunnu flúgva. Tær hanga í hvíld á loddrættum yvirflatum ella frá greinum við høvdinum niðureftir, við at brúka klógvarnar á fótunum.

Sum heild eru tey náttardýr, sum orientera seg antin við sjónini, tað er mest tær størru flogmýsnar, ella við hoyrnini og brúka ekkolokatión. Næstan allar tær smærru flogmýsnar brúka tað.