Tað hevur verið rættiliga fitt av vindi í nátt - serliga norðan fyri - og tað er tað framvegis.
Løgreglan sigur, at tilsamans høvdu tey, klokkan níggju í morgun, fingið 21 fráboðanir um vindskaðar.
Men sum heild er talan um smáskaðar, leysar takplátur, leysur húsaklædningur o.s.fr.
Løgeglan sigur, at tað álvarsligasta var, at Christian í Grótinum, sum lá við bryggju í Klaksvík, sleit, so tey máttu fáa bjargingarbátin, Ziska, at halda honum at til tey fingu tamarhald á støðuni og bundið hann aftur.
Eitt, sum fólk stúrdu mest fyri upp undir stormin, var allar valplakatirnar, sum hanga allastaðni, og um tær mundi fara at halda.
Løgreglan sigur, at nógv valevni tóku rætt og slætt plakatirnar niður, men annars hava fólk ringt fleiri ferðir at boða frá, at valplakatir eru farnar í storminum.
Men eingin skaði stóðst av nøkrum, sum feyk í vindinum, hvørki av valplakatum ella av takplátum, ella nøkrum øðrum.
