Tá ið Norrøna kom á Havnina í morgun, varð ein útlendskur ferðamaður tikin í passeftirlitinum. Løgreglan sigur, at hann hevði ikki tey neyðugu pappírini fyri at koma til Føroyar.

Talan er um ein mann úr Algeria og tá ið fortreytirnar fyri at sleppa til Føroyar, ikki vóru loknar, varð hann settur í varðhald.

Løgreglan kannar nú málið og maðurin verður sitandi í varðhaldinum til greiða er fingin á viðurskiftunum.

Í slíkum førum verða fólk oftat send av landinum aftur til landið, haðani tey komu.