Tíðliga í morgun fekk ein maður bót fyri at bróta skilhaldsreglurnar. Tað fekk hann fyri ófantaligan atburð ímóti løgreglufólki.

Tá ið løgreglan kom koyrandi, stillaði hann seg mitt á vegin, fyri løgreglubilin, og noktaði at geva seg til síðis.

Samstundis rætti hann løgreglufólkunum longutong fleiri ferðir. Tað var meiri enn løgreglufólkini høvdu hug at standa modell til, so maðurin fekk bót.

Annars hevur tað verið friðarligt. Í Suðuroy hevði onkur musikkin so hart frá í nátt, at tað órógvaði grannarnar, so har fekk løgreglan tey at dempa.