Í gjáramorgunin fekk ein bilførari bæði bót, og klipp í koyrikortið fyri at koyra niðan eftir Varðagøtu. Ímillum klokkan 7.30 og 8.30 er tað ikki loyvt at koyra niðan eftir Varðagøtu eftir frá Sjúrðargøtu, har Finsen er, og nakað niðan um Sankta Frans skúla.

Tað er fyri at gera tað tryggari hjá børnum at fara í skúla og í barnagarð.

Men løgreglan sigur, at tað er javnan, at bilførarar ikki virða tað, men koyra ímóti ferðslurætninginum - og tað kostar eitt klipp í koyrikortið og eina bót upp á 1.500 krónur.

Og tað hendi so aftur í gjáramorgunin, sigur løgreglan.