ES-reglugerðir áleggja meirvirðisgjald á eina røð av námsfrøðiligum virksemi so sum bólkaundirvísing í fitness-miðstøðum, dansiskúlum og matgerðarskeiðum í Danmark og øðrum ES londum frá 1. januar í 2026.

Men danska stjórnin fer við lógaruppskoti at minka um avleiðingarnar, við at veita skattafrádrátt fyri venjing og undirvísing í sangi og tónleiki.

Tað sigur Skattamálaráðið í tíðindaskriv í dag.

Skattafrádrátturin fer millum annað at fevna um spinning-, crossfit- og yoga-undirvísing í vinnuligum fitness-miðstøðum, eins væl í privatum dansiskúlum og í sang- og tónleikaundirvísing.

Tað er júst slíkt virksemi, ein røð av ES-úrskurðum hava elvt til, at meirvirðisgjald er lagt á frá ársskiftinum.

-Danmark hevur í prinsippinum skyldu til at laga seg til nýggju leiðreglurnar.

Men ES-tiltakið er "ikki ein blóma, sum hevur vaksið í garðinum hjá stjórnini", sum skattamálaráðharrin Rasmus SStoklundtekur til í myndatalu.

- Tí hava vit avgjørt, at peningurin, sum vit fáa, verður latin aftur til borgararnar, soleiðis at teir fáa ein frádrátt, sum kann linna príshækkingina meirvirðisgjaldið hevur við sær.

Stoklund skrivar í tíðindaskrivi, at tað ikki skal vera dýrari at raðfesta heilsu og rørslu og fegnast um, at tey kunnu kompensera nøkur av teimum sum eru rakt av meirvirðisgjaldi.

Útbúgving av børnum og ungum, herundir bólkaundirvísing í fitness-miðstøðum, kann framhaldandi vera meirvirðisgjaldsfrí innan karmarnar av ES-reglum.

Tí verður lógaruppskot lagt fram í heyst um at tryggja børnum og ungum meirvirðisgjaldsfrítøku til og við 29 ára aldur.

Av somu orsøk leggur landsstýrið upp til, at skattafrádrátturin verður galdandi fyri vaksin 30 ár og eldri, stendur í fráboðanini.