Fyrrapartin í gjár varð ringt til løgregluna at boða frá, at eldur var í einum húsum í C. Pløjensgøtu í Havn.

Løgreglan sigur, at tað vísti seg, at eldur var kyknaður upp í ventilatiónini á einum wc í húsunum.

Løgreglan sigur, at eldurin varð skjótt sløktur, so skaðin er ógvuliga avmarkaður.

Tey vita ikki hví eldur kom í, men fyribils metingarnar siga, at talan var um eitt skammlop.