Bretski ríkisborgarin, Viswashkumar Ramesh, var einasti, sum yvirlivdi túrin hjá 171 Air India fyrr í ár. 

Hann sigur nú, at sálarsjúkan hevur gjørt, at hann er oyðilagdur. Millum tey 241 ferðafólkini, sum doyðu í vanlukkuni, var yngri beiggi hansara Ajaykumar. 

- Tað er sera ringt at tosa um túrin, sigur Ramesh

Undir samrøðuni hevur Ramesh  langar løtur, har hann onki sigur, meðan hann tosar um sítt lív í dag. Hann fer ikki longur úr húsum sínum, men situr í kamarinum og “ger einki.”

- Eg hugsi bara um beiggja mín. Hann var alt fyri meg,“ heldur Ramesh fram.

Flogfarið datt niður í Ahmedabad í India 12. juni í ár, stutt eftir fráferð, og 242 fólk vóru umborð.

Vanlukkan hendi á einum studentabústaði nærhendis flogvøllinum og bert eitt ferðafólk, Vishwashkumar Ramesh, yvirlivdi vanlukkuna. Hann varð viðgjørdur á sjúkrahúsinum fyri skaðar, meðan deyðatalið vaks til í minsta lagi 279, harímillum tey, sum vóru á landi.

Ein fyribils kanning vísti, at brennievnisveitingin til motorarnar varð sløkt umvegis rotarar í stýrirúminum stutt eftir fráferð.