Í gjár varð ein maður tikin fyri at skjóta við byrsu ímillum hús.

Løgreglan sigur, at tað var eingin vandi á ferð, men tað elvdi til ótryggleika.

Hetta var í Suðuroy, og maðurin var ikki edrúur, tá ið hann fór eftir byrsuni og loysti eini tvey skot av niður í ein bakka.

Løgreglan sigur, at maðurin fekk bót fyri at bróta skilhaldsreglurnar.

Løgreglan tók eisini ein bilførara fyri at koyra ávirkaður av rúsdrekka. Hann varð tikin í Kollafjarðardali og hann blásti væl meiri enn loyvt er, so honum er blóðroynd tikin av.