Í gjár var løgreglan víða um og kannaði ferðsluna, og serliga mátaðu tey, hvussu skjótt bilarnir koyrdu.

Og tað kom at kosta mongum bilførarum dýrt.

Á vegnum millum Fjarða, har ið loyvt er at koyra 80 km/t, vórðu tveir bilførarar tiknir fyri at koyra ávikavist 103 og 104 km/t, og fyri tað fáa teir bæði bót og klipp í koyrikortið.

Á Søldafjarðarvegnum, har ið loyvt er at koyra 60 km/t, vórðu tveir bilførarar eisini tiknir. Teir koyrdu ávikavist 72 og 74 km/t, og tað fáa teir eisini bót og klipp í koyrikortið fyri.

Men ringast fyri kom ein bilførari, sum koyrdi eftir Havnarvegnum, beint uttan fyri Húsareynstunnilin. Har er bert loyvt at koyra 60 km/t, men bilførarin varð tikin fyri at koyra 108 km/t.

Sostatt misti hann koyrikortið á staðnum, umframt at hann fær bót.