Hetta seinasta samdøgurið hevur verið friðarligt hjá løgregluni. At kalla tað einasta tey hava havt av løgreglumálum, er at geva einum bilførara bót, og klipp í koyrikortið seinnapartin í gjár, fyri at koyra tvørtur um ein krossveg í Marknagili, hóast hann hevði reytt ljós.

Og í gjárkvøldið fór ein bilur út av í Kollafjarðardali, á strekkinum ímillum rundkoyringina og bensinstøðina.

Bilurin endaði á liðini, men eingin fólkaskaði var. Løgeglan veit ikki, hví bilurin fór út av, men blóðroynd er tikin av bilføraranum fyri at staðfesta, um rúsdrekka var uppi í.