Felag?

Københavns Badmintonklub (KBK).

Hvussu leingi hevur tú vant badminton?

Síðani eg var 9 ár, tá eg byrjaði í HBF.

Hvat dámar tær best við badminton?

At spæla dyst og blíva betri til ymiskar teknikkir. Mær dámar eisini serliga væl felagsskapin.

Hvat er tín yndis bólkur? Single, double ella mix?

Mær dámar faktiskt væl allir, men kanska serliga væl mix. Mær dámar eisini væl at standa sjálv á bananum, men tað er skeg at deila sigrarnar við einum øðrum.

Hvat er títt yndis slag?

Tað er nokk drop og smash.

Hvør er tín fyrimynd í badminton?

Mínar fyrimyndir er tey, ið eg síggi til kappingar uttanlanda, og tey, ið eru betur enn eg til venjing.

Hvussu kennist tað at vera úttikin til Oyggjaleikirnar á Orknoyggjum?

Tað kennist ordiliga gott at vera úttikin til mínar næstu Oyggjaleikir.

Hvat er títt mál á Orknoyggjum?

Mítt mál er at endurvinna liðkappingina og at klára meg enn betur í tí individuellu kappingini. Málið er eisini at gera mítt allar besta.

Hvussu fyrireikar tú teg til kappingina?

Fyrireikingin hevur verið í gongd leingi nú við áhaldandi styrkivenjing og konditiónsvenjing samstundis við nógvum dystarvenjingum til tær nógvu kappingar, ið eg havi luttikið í hetta kappingarárið.

Hvat gleðir tú teg mest til á Orknoyggjum?

Eg gleði meg mest til samanhaldið og liðkappingina. Eisini verður tað spennandi at síggja, hvussu støðið hjá mótstøðuspælarunum er nú.