Burn Fitness og Róðrarsamband Føroya fegnast um at hava gjørt eina 3-ára

samstarvsavtalu, har Grand Prix-kappingarnar í inniróðri komandi árini fara at bera heitið

“Burn róðurin”.

“Hetta er eitt samstarv, ið hóskar serliga væl, tí Burn Fitness er umboð fyri Consept II

rógvimaskinur, ið verða brúktar í flestu altjóða kappingum í inniróðri. Við samstarvinum

verður tryggjað, at føroyskir innirógvarar altíð hava útgerð í bestu góðsku, og at

ítróttargreinin kann mennast enn meira” sigur Jákup Súni Berg, stjóri í Burn Fitness.

“Sum ítróttargrein hevur inniróðurin tikið seg sera nógv fram her í Føroyum og víða um

heim. Føroyskir rógvarar hava í nógv ár kappast á altjóða støði og hava bæði vunnið EM-

og HM-medaljur hesi árini. Vit hava høgar væntarnir og mál fyri inniróðurin, og varð

nýggjur landsliðsvenjari settur í starv fyri stuttum. Við avtaluni við Burn Fitness fer útgerðin

hjá okkara innrógvarum altíð at verða í topp til kappingar” sigur Petur Hansen, formaður i

RSF.

Samstarvið gevur føroyskum rógvarum bestu møguleikar at kappast á hægsta altjóða

støði. Við útgerð í bestu góðsku og skipaðum kappingum í Føroyum eru lunnar lagdir

undir, at føroyskir rógvarar kunnu røkka altjóða sigrum í framtíðini.

Vit gleða okkum til eitt gevandi samstarv, leggja báðir partar afturat.

Róðrarsamband Føroya og Burn Fitness