B71 hevur valt nýggjan formann. Jóhanna Jancyardóttir hevur verið forkvinna. Nú er hon kassameistari.

B71 skrivaði soleiðis í gjárkvøldið:

Í farnu viku var kalla inn til eyka aðalfund hjá B71 og broytingar framdar í viðtøkunum, so at starvsnevnd felagsins kann verða vald við ársenda, heldur enn ársbyrjan. Á hendan hátt ber m.a. til hjá nývaldum nevndarlimum at gera sína ávirkan galdandi beinanvegin og fyrireika eitt komandi kappingarár.

Starvsnevndarval varð tískil avgreitt á farna eyka aðalfundi, har Davia Nicolajsen, Súsanna Davidsen og Jan Eskild Glyvrardal, øll úr Skopun, vórðu nývald í nevnd, saman við Jóhonnu Jancyardóttir, ið var endurvald og sitandi nevndarlimi Búi Falkvard Clementsen.

Í kvøld var fyrsti fundur og nevndin skipaði seg soleiðis:

Búi Falkvard Clementsen, formaður

Jan Eskild Glyvrardal, næstformaður

Jóhanna Jancyardóttir, kassameistari

Davia Nicolajsen, skrivari

Súsanna Davidsen, nevndarlimur