Heimsins seigligasta konsertferð™
Brøðrabólkar rysta oyggjarnar um vikuskiftið
Í 2006 bleiv rokksøgan ótilvitað broytt, tá ið íslendsku rokklegendurnar HAM og føroysku seperatistpunkararnir 200 vórðu bókaðir at spæla á somu konsert á Norðurbryggjuni í Keypmannahavn.
Tað var kærleiki, brøðralag og rock’n’roll við fyrsta 1-2-3-4. Síðani hava bólkarnir hildið sambandið, meðan teir rokkaðu hvør sítt oyggjasamfelag. Alt meðan lunnar vórðu lagdir undir Heimsins Seigligastu Konsertferð™.
2023 bleiv árið, har konsertferðin bleiv uppafturtikin við post-koronskari rokkan í Reykjavík. Jarðfrøðin í Íslandi bleiv broytt í ævir.
Hetta vikuskiftið er triðja legg av seigligu heimsrundferðini á skrá, tá ið HAM vitjar 200, fríggjakvøldið í Listastovuni í Miðvági, og Leygarkvøldið í OY.
Þidningarmikið nørrønt samstarv
Íslendska kringvarpið var á staðnum tá ið Reykjavík bleiv ruskað. Og tá ið RUV bert loyvir íslendskum í beinleiðis sjónvarpi, so er bara eitt at gera, og tað er at tosa íslendskt.
Bjartskygda innslagið sæst her: https://www.ruv.is/ungruv/spila/frettir/30762/a0guoe/ham-med-tonleika-a-hurra
Ver har, tá rokksøga verður skrivað
Tað er nú, at brøðralagið skal standa sína roynd, og spennandi verður um Føroyar nakrantíð verða tær somu. Og ikki minst nær og hvar fjórði partur av Heimsins Seigligastu Konsertferð™ verður.
200+HAM
Fríggjakvøldið 14/11 kl 21 – Listastovan, Miðvágur
Leygarkvøldið 15/11 kl. 21 – OY, Tórshavn
