Brimheim hevur av sonnum gjørt um seg í tónleikaumhvørvinum hetta farna árið. 

Hetta er heldur ikki fyrstu ferð í ár, at Brimheim verður heiðrað fyri útgávu sína “Ratking”. Fyrr í ár vann hon sum tann einasta heili tveir tónleikaprísir til virðislønarveitsluna í Park Bio í Keypmannahavn. Tá var tað fyrstu ferð, at Den Uafhængige – nýggja tónleikavirðislønarfagnaðurin í Danmark – varð hildin, og Brimheim fór avstað við tónleikaprísunum: Ársins fløga og ársins framleiðari. Hon var tilnevnd heilar 4 prísir. 

Í kvøld varð hon aftur fagnað fyri útgávuna, ið kom út í fjør.

Løgini á “Ratking” hava verið ómetaliga væl móttikin, ið sæst aftur á spælingunum á Spotify. “Literally Everything” hevur 601 túsund spælingar, Brand New Woman 472 túsund spælingar og Normies hevur 141 túsund spælingar.

Tey tilnevndu til ársins útgávu vóru:

- Brimheim - Ratking
- Eivør - Enn
- Lena Anderssen - State of the Land
- Hamferð - Men Guðs Hond Er Sterk
- Lea Kampmann – Seinferð