Skaldsøgan 1804 hjá Rúna Bjarkhamar flytur lesaran inn í eina søguliga broytingartíð og sipar til árið, tá Royndin Fríða varð smíðað suðuri í Vági. Gjøgnum eina frásøgn, har fiksjón og søguligt tilfar verða flættað saman, fáa vit føroyska søgu lýsta á ein nýggjan hátt.

Søgan tekur støði í tíðini eftir fronsku kollveltingina og fylgir fransmanninum Jean Paul, sum kemur til Føroya við upplýsingartíðarhugsjónum um framburð og broyting. Her møta vit einum samfelag, merkt av fátækradømi, afturhaldi og stríðnum fyri menning.

Bókin lýsir lív, hugsjónir og samfelagsviðurskifti í Føroyum í 18. øld, har nýggjar tankar, gomul siðvenja, trúgv og broytandi handilsviðurskifti mynda eina tíð við stórum umskifti.

(kelda: Sprotin)

Vøruslag: Pappírsbók

Høvundur: Rúni Bjarkhamar

Bólkur: Skaldsøgur

Upprunaland: Føroyar

Kápusnið: Rúni Bjarkhamar

Umbrot: Else Sjúrðaberg

ISBN: 978-99972-1-612-0

Útgávudagfesting: 31. august 2025

Um rithøvundan:

Rúni Hjelm Bjarkhamar (f. 1964) er uppvaksin í Vági og hevur búð í Leirvík síðan 1991. Hann er útbúgvin lærari og hevur starvast í føroyska fólkaskúlanum í meira enn 30 ár, serliga í Skúlanum við Streymin.

Hann vann í 2005 eina stuttsøgukapping við søguni Listin í triðju skuffu, sum seinni varð prentað í lesibókini Dropar til 8. flokk. Rúni hevur eisini ritstjórnað lesibøkur til undirvísing, m.a. Les 1, og bøkur til føroyskt sum annaðmál.

Í 2014 gav hann út bókina Maðurin og dreymurin um Martin Luther King og hevur harumframt týtt stuttsøgusavnið Ringasta loyndarmálið. Hann hevur eisini skrivað greinir í Skúlablaðnum.

Listin Topp 5 - Keyptar bøkur:

Rit & Rák

1. Kavafonnin grætur – Jógvan Isaksen

2. Svørt orkidé – Vónbjørt Vang

3. Føroysk mineral & grótsløg – Lis Mortensen, Barbara Biskopstø Thorsteinsson, Uni Árting

4. Tað sum eftir er – ymiskir rithøvundar

5. Hey ☺ - Trygvi Danielsen

Topp 5 – Útlán:

Bólasavnið við Løkin

1. Marta Marta – Marjun Syderbø Kjelnæs

2. Svørt orkidé – Vónbjørt Vang

3. Altartalvan – Jógvan Isaksen

4. Summarið varar ikki alt árið longur – Katrin Ottarsdóttir

5. 1804 – Rúni Hjelm Bjarkhamar

Klaksvíkar bókasavn

1. Flytifuglar – Elin á Rógvi

2. Sálarfrøði – Heri Kragesteen

3. Svørt orkidé – Vónbjørt Vang

4. Todi – Sólvit Nolsøe

5. Marta Marta - Marjun Syderbø Kjelnæs

Býarbókasavnið

1. Svørt orkidé - Vónbjørt Vang

6. Kavafonnin grætur - Jógvan Isaksen

2. Gula hurðin – Jón Thorsteinsson

3. Lognbrá – Heðin Brú

4. Hevnd – Petur Mohr Reinert

(Listin er frá 20.februar 2026)