Í gjár var løgreglan úti við Glasir og kannaði ferðsluna. Tað gjørdu tey tí tey vita av royndum, at fleiri bilførarar fløkjast í rundkoyringini beint frammanfyri Glasir, har bilar steðga og seta næmingar av.

Og tað gjørdu tveir bilførarar eisini í gjár tað løtuna løgreglan var til staðar.

Løgreglan sigur, at tað, sum hendur er, at fleiri bilførarar koyra øvugtan veg í rundkoyringina, hóast talan er um vanliga høgrakoyring, akkurát sum í øllum øðrum rundkoyringum.

So tað fáa hesir báðir bilførararnir bót og klipp í koyrikortið fyri, sigur løgreglan