Poppsangarin Beinir, sum býr og virkar í Danmark, hevur konsert í Løkshøll í Runavík leygarkvøldið 23. november. Nú er konsertin útseld, og eykakonsert er sett á skránna fríggjakvøldið fyri. 

Beinir er búsitandi í Danmark og fylgir sínum tónlistarligu dreymum, og tað gongur støðugt framá.  Í 2023 kom fyrsta staklagið "Greener" út, og higartil í ár hevur hann givið trý onnur stakløg út av heildarútgávuni, ið er ávegis. Fríggjakvøldið framførdi hann sangin "Call Me A Dreamer" í væl umtóktu sjónvarpssendingin Vild med dans.

Beinir fer at hava konsertir saman við bólki sínum í Løkshøll.