Beint eftir døgurða í gjár varð ringt til løgregluna at siga frá, at ein smádrongur var yvirkoyrdur við svimjihøllina í Havn.

Løgreglan sendi sjúkrabil á staðið og tey fóru eisini sjálv á staðið. Tey siga, at talan var um ein bil, sum bakkaði av einum parkeringsplássi og rakti ein smádrong, sum gekk aftan fyri bilin.

Men løgreglan sigur, at tað er kortini einki, sum bendi á, at drongurin fekk nakað álvarsligt mein av hendingini. Men hann gramdi seg og fór á Landssjúkrahúsið til kanningar.

Tey vita ikki akkurát, hvussu støðan er, men tað fara tey at kanna í morgun.

Tann, sum kemur av einum parkeringsplássi hevur altíð treytaleysa víkiskyldu fyri øllum, men løgreglan sigur, at ferðslan var eitt sindur ruðuleikakend har um vegir tá ið óhappið hendi.

Men nú skal málið lýsast út í æsir og úrslitið av teimum kanninginum verður so avgerðandi fyri, hvussu málið verður avgreitt og um bilførarin verður skuldsettur.