So er bólturin farin á rull. Fyrsta umfari í Meistaradeildini er av, og tað varð avgreitt í fínum líkindum, tá ið havt verður í huga, at tað framvegis er hávetur.
KÍ tapti ongantíð í fjør, tá ið tað eydnaðist at vinna greipuna. Fyri einari stórari viku síðani vann KÍ Stórsteypið við 1-0 sigri ímóti HB, og í dag vístu meistararnir av álvara, hvat býr í teimum.
KÍ vann 5-1 í Sørvági, og KÍ var í meiri framrættaðari og hugflogsríkari útgávu, enn liðið í fjør var í, og sum tað var í Stórsteypadystinum. At tapa er eitt og at málmunurin er -4 eftir fyrsta umfar eigur at kennast heilt tungt hjá 07 Vestur.
AB er nýtt lið í Meistaradeildini, og 2-0 heimasigurin ímóti B68 í gjár kendist sera søtur hjá argjamonnum, sum ikki hava vunnið í fyrsta umfari í bestu deildini síðani 2014, tá ið AB í fyrsta umfari vann 2-0 á útivølli ímóti Víkingi. Ta ferðina vóru víkingarnir undirmannaðir frá 26. minutti, tá ið Hans Jørgen Djurhuus sá beinleiðis reytt kort. Ta ferðina var tað Jóan Símun Edmundsson, sum legði AB á odda miðskeiðis í fyrra hálvleiki, og tveir minuttir undan leikloki var tað Hørður M. Mohr, sum staðfesti AB sigurin.
Miðverjin Sørin N. Samuelsen er einasti AB spælarin, sum bæði var við í sigrinum í fyrsta umfari í 2014, og sum eisini var á liðnum í 2-0 sigrinum ímóti B68 í gjár.
At hitta EB/Streym í fyrsta umfari kann vera óreint, men B36 vann fulla úrtøku, og at hitta Skála á útivølli kann vera óreint, men HB vann fulla úrtøku.
Í Runavík koppaði tað heimaliðnum til fyrimunar, tá ið Víkingur var gestur, og tað av álvara reið um snarið.
AB - B68 2-0 (1-0)
1-0: Obule Moses 9.
2-0: Ragnar Skála 50.
Dómari: Dagfinn Forná
NSÍ – Víkingur 1-0 (0-0)
1-0: Michal Przybylski 66.
Dómari: Jóhan Hendrik Ellefsen
Skála – HB 1-2 (0-1)
0-1: Storm Even Bugge Pettersen 26.
0-2: Jákup L. Thomsen 87.
1-2: Jákup Pauli Frederiksberg 94.+
Dómari: Jákup Øssursson Mohr
07 Vestur – KÍ 1-5 (0-2)
0-1: Filip Brattbakk 17.
0-2: Daniel Johansen 24.
0-3: Patrik Johannesen 47.
0-4: Árni Frederiksberg 50.
0-5: Patrik Johannesen 52.
1-5: Jasper Van Der Heyden 86.
Dómari: Leivur Zachariassen
B36 – EB/Streymur 2-1 (0-0)
1-0: Torgeir Børven 59.
2-0: Boubacar Dabo 79.
2-1: Virgar Jónsson
Dómari: Rúni Gaardbo
KÍ | 1 | 1 | 0 | 0 | 5 | 1 | 3 | |
AB | 1 | 1 | 0 | 0 | 2 | 0 | 3 | |
HB | 1 | 1 | 0 | 0 | 2 | 1 | 3 | |
B36 | 1 | 1 | 0 | 0 | 2 | 1 | 3 | |
NSÍ | 1 | 1 | 0 | 0 | 1 | 0 | 3 | |
Skála | 1 | 0 | 0 | 1 | 0 | 1 | 0 | |
EB/Streymur | 1 | 0 | 0 | 1 | 1 | 2 | 0 | |
Víkingur | 1 | 0 | 0 | 1 | 1 | 2 | 0 | |
B68 | 1 | 0 | 0 | 1 | 0 | 2 | 0 | |
07 Vestur | 1 | 0 | 0 | 1 | 1 | 5 | 0 |
2. umfar
Fríggjadagin 13. mars
Víkingur – B36
Sunnudagin 15. mars
KÍ – NSÍ
B68 – Skála
EB/Streymur – AB
HB – 07 Vestur
