Ávaring: Ótrúliga hált at koyra í fleiri støðum í Havn og í Kollafjørði
Løgreglan ávarar um, at rættiliga nógv olja er endað á vegnum
Áki Bertholdsen
2. september 2023 kl. 18:33
Nú, seinnapartin í dag, fekk løgreglan boð um at vegirnir í Havn, og heilt norður til Kollafjarðar, eru illa oljudálkaðir.
Løgreglan ávarar um, at tað er ótrúliga hált at koyra fleiri staðni, eitt nú á Dalavegnum, Markagilsvegnum, og aðrastaðni, og heilt norður til Kollafjarðar.
Onkur bilur er gliðin, og hevur fingið skaða, men løgreglan heitir á bilførarar um at vísa eitt heilt serligt varsemi.
Tey eru farin at spula oljuna av vegnum, men tað tekur eina løtu. Løgreglan sigur tað helst er ein oljubilur, sum hevur likið alla oljuna á vegin.
