Løgreglan í Keypmannahavn hevði týsmorgunin enn ein tíðindafund um dronuflúgvingina yvir flogvøllin í Keypmannahavn í gjárkvøldið.

Tað var triðji tíðindafundurin hjá myndugleikunum, síðani hendingina.

Løgreglan hevur illgruna um at ein "dugnaligur aktørur" stendur aftanfyri álopinum.

Danmark er undir "høgari sabotasjuhóttan" og er í vanda fyri hybridálopum, sigur PET.

Mette Frederiksen forsætisráðharri, kallar hendingarnar fyri álvarsamasta álopið á danska kritiska undirstøðukervið higartil.

Hettar skal síggjast í samanhangi við restina av Evropa, sigur hon.

- Uttan at vit kunnu gera niðurstøður, uttan at myndugleikarnir kunnu gera niðurstøður, í tilgongdini vit hava, skal tað sjálvandi síggjast í ljósinum av øllum øðrum, sum eisini hendir, sigur hon.

Hon vísir á fyrrverandi dronuvirksemi í Póllandi og Rumenia, brot á estiskt loftrúm og teldusníkaálop á evropeiskar flogvøllir.

Tv2 spurdi Mette um hon hevur illgruna um Russland kann standa aftanfyri?

- Eg kann í øllum førum ikki nokta á nakran hátt, at talan er um Russland, sigur forsætisráðharrin og leggur afturat, at motivið í hesum málinum er at órógva, og skapa órógv og stúran.