Fyrr í morgun vóru grindaboð í Hestfjørði. Grindin varð sædd úr landi, har hon lá uttan fyri ferjuleguna á Gomlurætt.

Kristian Martin Joensen, sýslumaður, sigur, at nú eru einir sjey bátar hjá grindini og teir eru farnir at reka hana suðureftir.

Ætlanin er at fara á Havnina við henni og beint nú eru tey uttan fyri Kirkjubø.

Talan er ikki um stóra grind, mett verður, at hon er eini 50 hvalir.