Hósdagin í Århus handaði forsetin í Ukraina, Volodymyr Zelenskij, Jens Fogh Thomsen úr Biersted í Norðurjútlandi eina serliga virðisløn.

11 ára gamli danski drongurin er fyrsti útlendingurin, sum fær hesa heiðurslønina.

Síðani í fjør hevur hann sjálvboðin gjørt hondgjørt páskaprýði.

Við søluni hevur hann savnað inn yvir 34.000 krónur til skúlataskur og skúlatilfar til ukrainsk børn, sum eru rakt av krígnum.

Hetta skrivar Zelenskyj á sosialum miðlum, har eitt video av setanini er viðheft.

Jens Fogh Thomsen sæst vera týðiliga rørdur, meðan hann rættir Zelenskyj hondina og verður takkaður.

-Jens er fyrsti útlendingur, sum hevur fingið hesa heiðursløn.

Vit fara altíð at vera øllum takksom, sum inniliga hava samkenslu við okkara fólki og hjálpa Ukraina.

Eg eri Jens djúpt takksamur, vegna alt okkara fólk og børnunum í Ukraina, skrivar forsetin í uppslagnum.