WHO, heimsheilsustovnurin, sigur, at tað framhaldandi er óvist, um “booster”-koppsetingin hjálpir móti omikron-frábrigdinum, og mælir teimum ríku londunum frá at hamstra koppingarevni.

Heimsheilsustovnurin stúrir fyri, at tey ríku londini fara at royna at fáa fatur í fleiri skamtum. Koppingarstjórin í heimsheilsutovninum heldur, at hetta fer at gera skeivleikan av býtinum av koppingarevnum verri kring heimin.

– Meðan vit enn royna at finna útav, hvussu omikron-frábrigdið uppførir seg, so er tað ein møguleiki fyri, at tey ríku londini fara at hamstra koppingarevni, fyri at verja sínar borgarar í meira lagi, sigur koppsetingarstjórin í WHO, Kate O´Brian í eini fráboðan í dag.

Útsøgnin kemur, eftir at koppsetingarframleiðarin Pfizer alment hevur boðað frá, at trý prik við teirra koppingarevni eisini verjir móti omikron-frábrigdinum.

(NTB)