– Eftir næstan 30 ár við trúgvari tænastu hevur Hjalmar Petersen avgjørt at gevast í starvinum. Tað boðar Vónin frá í tíðindaskrivi.

– Hjalmar hevur verið stjóri síðan 2001, men frá 1. mars næsta ár verður tað Daniel Hákunsson Dam, sum tekur yvir sum stjóri. Daniel hevur verið fíggjarstjóri hjá Vónini síðan fyrst í 2021 og kennir væl til virksemið og samtakið sum heild.

Hann er 35 ára gamal, útbúgvin cand.merc. frá Aalborg Universitet og hevur áður arbeitt í Danmark við rakstrar- og fíggjarstýring, áðrenn hann flutti aftur til Føroyar í 2020, sigur Vónin.

Hjalmar heldur fram sum stjóri til endan av februar og fer síðani at stuðla Daniel í tveir mánaðir, samstundis sum hann fullførir byggingina av alitænastustøðini í Kyleakin á Skye í Skotlandi.