Beinleiðis myndir frá tíðindastovuni AP vísa russiska flogfarið á flogbreytini.
Tíðindamaðurin hjá TV 2 skrivar, at fýra amerikansk jagaraflogfør fylgdu flogfarinum, sum bar Putin seinasta teinin til flogvøllin, sum eitt slag av heilsan til russiska forsetan.
Donald Trump og Vladimir Putin heilsaðu síðani uppá hvønn annan á flogbreytini.
Síðani fylgdust teir eftir reyða teppinum, yvir til pallin, har teir aftur tóku í hondina á hvørjum øðrum.
Hvørgin teirra vildi svara spurningum frá tíðindafólkunum.
Teir báðir forsetarnir eru nú farnir inn í sama akfar, nevniliga limousine hjá Trump, sum kallast The Beast (beistið), sum skal koyra forsetarnar til sjálvan toppfundin.
Trump og Putin koyrdu vinkandi burtur.
Toppfundurin millum forsetarnar báðar, er altso skotin í gongd.
