Hesi seinastu 15 árini hava vit, sum heild, havt stór avlop á handilsjavnanum.

Tað merkir, at vit útflyta fyri nógv meiri enn vit innflyta fyri.

Búskaparráðið sigur, at nøkur heilt fá undantøk hava verið frá hesi regluni.

Men árið í fjør var ikki eitt av teimum árunum, tí í fjør var avlopið á handilsjavnanum 2,6 milliardir  og í 2024 var tað slakar tvær milliardir.

Og verður innflutningurin av skipum og øðrum stórum flutningstólum ikki verður tikin við, var avlopið í 2024 umleið tríggjar milliardir.

Innflutningurin var einar 700 milliónir størri í fjør enn hann var í 2024. Størsta økingin er í innflutninginum av djóra- og plantuoljum til framleiðslu av fiskafóðri, men innflutningsvirðið av skipum og matvøru eisini er vaksið nakað.

Samstundis er útflutningurin umleið 1,4 milliardir størri í fjør enn hann var í 2024, tað er ein vøkstur upp á 11 prosent.