Amerikanska stjórnin umhugsar at víðka ferðabannið, sum í løtuni avmarkar ella forðar fyri at koma inn í landi hjá ríkisborgarum úr 19 londum.

Tey umhugsa at víðka tað til umleið 30 lond. Hettar kemur í kjalarvørrinum av skottilburðinum, har tveir hermenn úr tjóðarverjuni í Washington, D.C, vóru skotnir í síðstu viku.

Hettar vistu fleiri amerikanskir ​​embætismenn at siga við CBS News í gjár týsdagin.

Ætlanirnar eru fyribils, og talið av londum, sum verða løgd afturat listanum kann broytast siga embætisfólkini, sum biðja um dulnevni fyri at umrøða innanhýsis umrøður.

Ein afghanari er handtikin fyri skottilburðin har ein av hermonnunum er deyður, meðan hin er í lívsvanda.

Mynd: BBC News