Hvítu Húsini vátta at fyrr umrødda møguliga keypið av Grønlandi nú ógvuliga virkið umrøtt av amerikanska forsetanum, Donald Trump, og hansara tjóðartrygdartoymi.

Tað segði talskvinnan í Hvítu Húsunum, Karoline Leavitt, á einum tíðindafundi sambært Ritzau.

- Allir møguleikar hava altíð verið á borðinum hjá Trump forseta. Fyrsti møguleikin hjá forsetanum hevur altíð verið diplomati, sigur hon.

Formaðurin í Umboðsmannatinginum, Mike Johnson, hevur heldur ikki hoyrt tos um at senda amerikanska herin til Grønlands.

Tað sigur hann sambært tíðindastovuni AFPAFP.l

- Eg haldi ikki, at nakar tosar um at brúka hermegi í Grønlandi. Tey hyggja eftir diplomatiskum rásum, sigur hann.

Johnson viðurkennir tó fyri fjølmiðlunum, at hann ikki var kunnaður um amerikanska átakið í Venezuela, áðrenn tað hendi.

Tíðindini koma dagin eftir, at Hvítu Húsini í eini fráboðan til Reuters løgðu dent á, at nýtslan av amerikanska herinum altíð er ein møguleiki, sum yvirherleiðarin hevur.