Forsøgn galdandi til hósmorgunin
Lot til frískt lot eystan, 3 til 8 m/s, sum frá líður veksur upp í frískt lot til frískan vind, 5 til 10 m/s. Út á seinnapartin og í kvøld veksur vindurin upp í frískan vind upp í hvassan vind, 10 til 15 m/s. Skýggjað við sólglottum og bert einstøk æl, í kvøld fer at regna. Í nátt fer hann vesturum í útsynning og minkar vindurin niður í lot til frískt lot 3 til 8 m/s. Hálvskýggjað og einstøk æl. Hitin úr frostmarkinum upp í 6 stig.
Hósdagin
Frískt lot til frískan vind av útsynningi, 3 til 8 m/s, sum frá líður sunnan. Skýggjað og okkurt ælið. Seinnapartin veksur vindurin til frískan vind upp í strúk av landsynningi, 8 til 13 m/s, men út á kvøldið fer hann aftur í útsynningur. Skiftandi skýloft og regn, seinni ælaveður. Hitin 2 til 7 stig.
Fríggjadagin
Frískur vindur upp í hvassan vind vestan, 10 til 15 m/s. Hálvskýggjað og ælaveður, í støðum við vátakava ella heglingi. Hitin 1 til 6 stig.
Leygardagin
Frískur vindur upp í strúk av útsynningi, 8 til 13 m/s. Seinnapartin veksur hann vindin upp í frískan vind upp í skrið sunnan, 13 til 18 m/s. Skiftandi skýloft og ælaveður. Hitin 2 til 7 stig.
Sunnudagin
Lot til frískt lot av útsynningi, 3 til 8 m/s, sum spakuliga fer suðurum upp í eystan. Hálvskýggjað og regn ella ælaveður. Hitin 3 til 8 stig.
Mánadagin
Frískan vind upp í hvassan vind av útnyrðingi, 10 til 15 m/s, sum seinnapartin minkar niður í frískt lot til frískan vind, 5 til 10 m/s. Skýggjað og regn ella ælaveður, í støðum við vátakava. Hitin úr frostmarkinum upp í 5 stig, um náttina kaldari, niður í -2 stig.
