Forsøgn galdandi til sunnumorgunin

Lot til frískt lot sunnan, 3 til 8 m/s. Skýggjað og okkurt ælið. Í støðum mjørki, men undan ættini onkur sólglotti. Út á seinnapartin gongur hann eysturum í landsynning, og í nátt upp í eystan. Framvegis lot til frískt lot, 3 til 8 m/s. Skýggjað og yvirhøvur turt. Tó, í støðum, mest har ættin liggur at landi, møguliga mjørki. Hitin 7 til 10 stig.

Sunnudagin

Lítið lot eystan, minni enn 5 m/s. Fyrrapartin skýggjað og kanska okkurt ælið, og út á seinnpartin hálvskýggjað. Út á kvøldið veksur vindurin til frískt lot til frískan vind eystan, 5 til 10 n/s. Tað dregur á luftina og tað fer at regna. Hitin 8 til 11 stig.

Mánadagin

Frískt vindur upp í strúk eystan, 8 til 13 m/s. Út á dagin veksur vindurin til frískan vind upp í hvassan vind og hækkar upp í landnyrðing, 10 til 15 m/s, út á náttina upp í skrið, 18 m/s. Samdrigið og regn. Hitin 6 til 10 stig.

Týsdagin

Strúkur í vindi upp í skrið av landnyrðingi, 13 til 18 m/s. Samdrigið og regn. Fyrrapartin minkar møguliga eitt skiftið til frískt lot til frískan vind og lækkar niður í landsynning, 5 til 10 m/s. Seinnapartin lot til frískt lot eystan og landnyrðingur, 3 til 8 m/s. Skýggjað, tað slítur í, men út á kvøldið veksur vindurin og tað fer aftur at regna. Hitin 6 til 9 stig.

Mikudagin

Frískur vindur upp í hvassan vind av landnyrðingi, 10 til 15 m/s. Skýggjað og regn, um náttin kanska vátakavi. Hitin 2 til 7 stig.

Hósdagin

Frískur vindur upp í hvassan vind av landnyrðingi, 10 til 15 m/s. Skýggjað og regn, men út á dagin ælaveður. Hitin 2 til 7 stig.