Varð blindaður av sólini - og rendi á Varð blindaður av sólini - og rendi á

Seinnapartin í gjár var eitt ferðsluóhapp á Marknagilsvegnum, har ein bilur rendi upp í reyvina á einum øðrum bili. Báðir bilarnir koyrdu sama veg, men bilførarin, sum rendi á, segði, at sólin stóð so lágt, at hann varð blindaður av henni og ansaði ikki eftir, at bilurin framman fyri hevði bremsað. Men tað fríkennur ikki bilførarin, tí hann skal altíð koyra eftir umstøðunum, eisini tá ið sólin stendur í eyguni. Løgreglan sigur, at sostatt fær bilførarin, sum rendi á, bæði bót og klipp í koyrikortið.