Avgerðin er tikin fyri at styrkja fakliga førleikan hjá starvsfólkunum og samstundis tryggja, at kommunan eisini framyvir hevur væl útbúgvin starvsfólk á dagstovnaøkinum.

Starvsfólk hjá Vágs Kommunu, sum hava áhuga fyri at nema sær útbúgvingina sum námsfrøðihjálpari, kunnu sostatt fáa løn, meðan tey eru undir útbúgving. Hetta gevur starvsfólkum betri møguleika at útbúgva seg, uttan at missa inntøku í útbúgvingartíðini.

– Okur vilja fegin stuðla teimum starvsfólkum, sum ynskja at menna sínar førleikar. Við hesum vilja okur bæði stuðla um fíggjarligu karmunum hjá starvsfólkunum og styrkja tilboðið til børn og familjur í kommununi, sigur Bjarni Johansen, borgarstjóri.

Nærri kunning um treytir og umsóknarhátt verður givin teimum starvsfólkum, sum hava áhuga fyri skipanini.