– Vit eru øgiliga væl nøgdir við avrikið í dag, har allir spælararnir arbeiða knallhart, og um væl vildi til, so fingu vit eitt stig heim við.

Soleiðis sigur Ólavur Mikkelsen, venjari hjá U21 landsliðnum, sum mánakvøldið møtti Frankaríki á útivølli.

Úrslitið gjørdist 1-0 til fransmenn, sum stutt fyri leiklok fingu eitt heldur ivasamt brotsspark, sum Mathys Tel, ið spælir fyri enska stórfelagið Tottenham Hotspur, setti í netið.

Føroyska liðið dúvaðið upp á umstillingar og deyðbóltar, og í trimum førum var heilt nær við, at okkara dreingir lupu hvøkk á teir umleið 7.000 áskoðararnar á Des Alpes Stadion í Grenoble. Men bólturin vildi tíverri ikki í franska málið

Næsti dystur hjá U21 landsliðnum verður 27. mars komadi ár, á útivølli móti Sveis.

Frakland – Føroyar 1-0 (1-0)

U-21 EM undankappingarbólkur C í fótbólti fyri menn

Mánadagin 17. november 2025 kl. 20.00 í Stade des Alpes í Grenoble

1-0: Mathys Tel br 37.

Dómarabólkur úr Moldova: Igor Bosca, Vlad Lifciu, Victor Mardari og Daniel Luca (4. dómari)

Føroyar: Hans Jákup Arngrímsson – Bjarti Thorleifsson (Jónas Prior, 69.), Ejvind Restorff Mouritsen (Hanus Højgaard, 89.), Ingi Arngrímsson, Jákup Norðoy Vilhelmsen, Virgar Jónsson – Heini Sørensen (Thomas Bjørn Miezan, 89.), Mattias Hellisdal (Djóni Samuelsen, 89.), Árni Nóa Atlason, Áki D. Samuelsen – Jógvan Gullfoss (Dávid B. Andreasen, 61.)

Á beinkinum uttan at verða skiftir inn: Rasmus Olsen, Aron Reinert Hansen, Marjus Nón, Markus Isaksen

Venjari: Ólavur Mikkelsen

Hjálparvenjari: Poul N. Poulsen