Ætlanin at gera ein Suðuroyartunnil, er burtur av dýrasta verkætlan í Føroya søgu.

Tað hevur eisini elvt til nógv kjak - men fyri einum hálvum ári síðani var full, politisk semja um at fara undir verkætlanina, sum Tunnilsfelagið hevði skotið upp, nevniliga at gera ein tunnil av Skarvanesi til Suðuroyar.

Men síðani kom ein privatur tunnilsbólkur við øðrum uppskotum og samstundis hava bæði Landsverk, Landsbankin, Búskaparráðið og áhugafeløg, umhvørvisverndarfeløg av ymsum slagi, og privatfólk, ávarað ímóti ætlanini

Og nú er summir politikarar eisini farnir at ivast.

Í kvøld verður almennur fundur í Suðuroy um verkætlanina. Fundurin verður í miðnámsskúlanum í Suðuroy klokkan 19 í kvøld.

Á fundinum fer Bjarni Hammer, tingmaður fyri Javnaðarflokkin, at greiða frá politisku gongdini í málinum og Dennis Holm, tingmaður fyri Tjóðveldi, fer at greiða frá tí fíggjarliga partinum.

Men so fer nevndin í partafelagnum, Suðuroyartunlinum, at greiða frá verkætlanini.

Málið um Suðuroyartunnilin er á veg aftur í Løgtingið, og har skal Løgtingið taka støðu til, um Suðuroyartunnilin skal projekterast og bjóðast út.

Tá ið tilboðini eru komin inn, skal Løgtingið so taka endaliga støðu til, um farast skal undir verkætlanina, ella ikki.