Ein ukrainskur maður er handtikin í Italia undir illgruna fyri at hava verið við í sabotasjuni av Nord Stream-leiðingunum, upplýsir týsku ákæruvaldið sambært Reuters.

Italsk embætisfólk handtóku hóskvøldið ukrainska mannin í býnum Rimini, sum liggur við Adriaterhavsstrondina í italska økinum Emilia-Romagna.

Maðurin er undir illgruna fyri at hava samskipað sabotasjuna móti Nord Stream-leiðunum.

Hann og samverjar hansara sigldu í einum leigaðum báti úr Rostock í Týsklandi, til gerningsstaðið í Eystrasalti nærhendis Bornholm.

Báturin var leigaður frá einum týskum felag av nøkrum millummonnum, har følsk samleikapappír høvdu verið brúkt, sigst.