Ukraina: Fyrstu norðurkoreansku hermennirnir eru settir inn í Kursk
Russiski forsetin heldur fast í at tað ikki er Russland, men Vesturheimurin, sum víðar um kríggið í Ukraina við at lata vápn.
Ragnar Sjúrðarson
3 tímar síðan
Ukrainska hernaðarliga fregnartænastan skrivar á miðlinum Telegram, at fyrstu norðurkoreansku hermennirnir, sum eru vandir í Russlandi, eru settir inn í Kursk-landslutin. Kursk er ein av teimum landslutunum, har Ukraina hevur framt álop.
Sambært Reuters varð russiski forsetin, Vladimir Putin, á einum tíðindafundi eftir eina BRIKS-ráðstevnu, spurdur um teir norðurkoreansku hermennirnar.
Her svaraði hann, at tað er upp til Russland at gera eina samstarvsavtalu við Norðurkorea. Hann avnoktaði sostatt ikki teirra hjáveru í Russlandi.
Putin segði eisini, at tað ikki er Russland, men Vesturheimurin, sum víðar um kríggið í Ukraina við at lata vápn.
