Bæði Bókmentavirðisløn Norðurlandaráðsins og Filmsvirðisløn Norðurlandaráðsins fara til Føroyar í ár. Tað er fyrstu ferð, at ein føroyskur filmur er í uppskoti til filmsvirðislønina, og filmurin Seinasta paradís á jørð vann.

Yrkingasavnið Svørt orkidé eftir Vónbjørt Vang er ársins besta norðurlendska bókmentanarliga avrik í 2025, sigur Norðurlandaráðið.

Hetta er fyrstu ferð síðan 1986, at ein føroyingur hevur vunnið bókmentavirðisløn Norðurlandaráðsins.