Í gjár gjørdi løgreglan ferðslukanningar í Kaldbaksbotni og í Havn. Úrslitið av tí var, at tveir bilførarar fingu bót og klipp í koyrikortið.

Í Kaldbaksbotni fekk ein bilførari bót og klipp fyri at yvirhála - og orsøkin var, at undir yvirhálingini fór hann út um hindrunarstrikuna og skákteigin á vegnum.

Í Havn fekk ein bilførari bót og klipp fyri at koyra á einum strekki við einvegis ferðslu - men hann koyrdi øvugtan veg.

Annars hevur veurð friðarligt. Ein lastbilur punkteraði í Norðoyatunlinum so har mátti løgreglan at beina ferðsluna ígjøgnum eina løtu.

Løgreglan sigur, at annars hevur tað verið avbera friðarligt.