Seinnapartin í gjár hendi eitt ferðsluóhapp í Norðragøtu. Ein bilur, sum kom koyrandi oman eftir landsvegnum, steðgaði á tí hann skuldi snara til vinstru oman í Gøtu.

Bilurin aftan fyri steðgaði, men ein triði bilur, sum eisini kom aftanífrá, lukkaðist ikki at steðga og rendi upp í reyvina á bilinum frammanfyri - sum síðani eisini varð skumpaður upp í reyvina á tí fremsta bilinum.

Løgreglan sigur, at allir tríggir bilarnir fingu skaða. Bilførararnir vóru einsamallir í bilunum og teir vórðu allir tríggir fluttir á Landssjúkrahúsið til kanningar.

Bilførarin á tí aftasta bilinun, sum hevði skyldina av óhappinum skal vænta sær at hoyra aftur frá løgregluni og hann skal - minst - vænta sær eina bót og eitt klipp í koyrikortið fyri ikki at hava hildið neyðugu frástøðuna til bilin frammanfyri.