Tá ið eitt flogfar lendi á flogvøllinum í Vágum fríggjadagin, tóku tollararnir í Vágum ein mann til viks. Og tað var ikki av ongum, tí tað vísti seg, at hann hevði heili 1,5 kilo av hassji í viðførinum.

Løgreglan tók mannin og setti hann í varðhaldi og í gjár varð hann so førdur fyri Føroya rætt. Maðurin, sum ikki er føroyingum, men kortini danskur ríkisborgari, játtaði seg sekan, so málið varð avgjørt beinanvegin.

Og úrslitið er, at hann fekk eina fongsulsrevsing upp á tríggjar mánaðir.

Maður er síðani leyslatin aftur og hann fer av landinum til Danmarka seinni í dag. Sostatt verður hann boðsendur at sita í einum donskum fongsli einaferð seinni.