Løgreglan sigur, at tað hevur verið avbera lítið fólk í býnum í nátt. Men løgreglan var i býnum og tey gjørdu nakað burtur úr at steðga bilum fyri at kanna um bilførararnir vóru edrúir.

Tað vóru tað tveir bilførarar, sum ikki vóru og teir eru sostatt skuldsettir fyri at koyra við kenning.

Løgreglan tók eisini fýra bilførarar í gjár fyri at koyra ov skjótt. Tað var á einum strekki í Kollafjørði, har tað er loyvt at koyra 50.

Har fingu tríggir bilførarar klipp í koyrikortið fyri at koyra ímillum 71 og 80 kilometrar um tíman.

Men harumframt misti ein bilførari koyrikortið treytað fyri at koyra beint oman fyri 90 kilometrar um tíman. Sostatt má hann taka koyrikortið umaftur, annars missur hann tað heilt.