Í gjár steðgaði løgreglan einum bilførara á Eysturoy og tá ið umstøðurnar vórðu kannaðar, fingu tey illguna um at hann var ávirkaður, so blóðroynd varð tikin av honum - og lyklarnir til bilin vórðu tiknir frá honum.

Eitt sindur seinni seinnapartin í gjár, var aftur illgruni um, at ein bilførari koyrdi við kenning í Klaksvík

Men tað kundi ikki prógvast at hann hevði koyrt. Løgreglan sigur, at í tí førinum fóru tey inn á skeinkistaðið har bilførarin var, og har fingu tey tað, tey kalla, eitt »fyribyrgjandi prát« við hann.

Og fyri at tryggja sær, at bilførarin ikki fór í bilin, vórðu lyklarnir tiknir frá honum og so kann hann koma eftir teimum aftur, tá ið tað var runnið av honum.