Í gjár var løgreglan á ferð og kannaði ferðsluna. Hesa ferð vóru tey norðan fyri - í Fuglafjørði og í Klaksvík.

Og tá ið tey fóru aftur á støðina, høvdu tey skrivað átta bilførarar upp.

Løgreglan sigur, at fimm bilførarar fingu 1.500 krónur í bót, umframt klipp í koyrikortið, fyri at brúka hondhildna fartelefon ímeðan teir koyrdu.

Tveir bilførarar sótu ikki í trygdarbelti og tað fáa teir 1.000 krónur í bót fyri.

Og so var tað eisini ein bilførari, sum fekk bæði 1.500 krónur í bót, og klipp í koyrikortið, fyri at hava eitt barn í bilinum, uttan at syrgja fyri, at tað sat í trygdarbelti.