Tivoli í Keypmannahavn hevur fyri vana at halda lágan profil, tá talan er um bæði tjóðar- og altjóða konfliktir.

Men nú lyftir siðbundna parkin flaggið. Tað grønlendska flaggið - Erfalasorput, sum merkir "okkara flagg", flákrar yvir Tivoli alla hesa vikuna.

Hettar fyri at vísa umsorgan fyri Grønlandi og fólkinum, sum í løtuni eru undir hørðum geopolitiskum trýsti, skrivar Berlingske.

- Tivoli hevur hesa vikuna lyft grønlendska flaggið sum eitt merki um okkara langtíðar samband við Grønland og grønlendska fólkið, sigur Susanne Mørch Koch, stjóri í Tivoli í einum telduposti til fjølmiðlarnar og heldur fram:

- Merkingin er eitt úttrykk fyri stúran í eini tíð, sum er upplivað sum trupul fyri mong. Tivoli vil vísa, at vit hugsa um Grønland og standa við felagsskapin, sum er bygdur upp gjøgnum mong ár.