Í gjárkvøldið vóru boð eftir løgregluni til ein privatan bústað, har ófriður hevði tikið seg upp ímillum húsfólk.

Men tá ið løgreglan kom á staðið var persónurin, sum elvdi til ófriðin, stungin av.

Løgreglan fekk kortini fatur á viðkomandi á midnátt í gjørkvøldið, men viðkomandi var rættiliga fullur og ólátaður, so løgreglan tók hann við á støðina við tí endamáli at leggja hann í brummuna at sova rúsin av sær og at sissa seg aftur.

Men á støðini gjørdi hann støðuna verri fyri seg sjálvan tí tá spýtti hann á eitt løgreglufólk.

Úrslitið er, at maðurin er skuldsettur fyri harðskap ímóti løgreglufólki.

Hann varð settur í brummuna, og hann skal avhoyrast í morgun, og so verður hann leyslatin aftur.