Í gjár gjørdi løgreglan ferðslukanningar á Fuglafjarðarvegnum,  tað er vegurin, sum gongur ímillum Gøtu og Fuglafjørð.

Tað er ein breiður og góður vegur, og har hava bilførarar ofta lyndi til at stíga ov fast á speedaran.

Har er loyvt at koyra 80, men løgreglan sigur, at har var ein bilførari tikin fyri at koyra heilar 146 kilometrar um tíman.

Løgreglan sigur, at talan var um ein bilførara fyrst í tjúgunum, men hetta var so groft brot á hámarksferðina, at hann misti koyrikortið á staðnum.

Harumframt fær hann eina bót upp á ímillum 4.000 og 5.000 krónur.