Tríggjar av teimum fýra fjórðingsfinalunum í kappingini um løgmanssteypiðvera klokkan 18.30 í kvøld. Fjórða fjórðingsfinalan verður í annaðkvøld, tá ið 07 Vestur fær vitjan av NSÍ. Eftir síðsta bríksl í Sørvági verður lutur drigin um, hvør skal spæla ímóti hvørjum í hálvfinalunum.
Hálvfinalurnar vera 13. mai og 24. juni.
Í Gundadali hittast HB og B36, og spenningurin er stórur, um tað verður HB ella B36, sum í kvøld verður varpað úr kappingini um løgmanssteypið.
Um tað fer at laga seg soleiðis, sum tað hevur gjørt seinastu ferðirnar, so kann tað væl vera, at tað verður neyðugt við longdari leiktíð og kanska eisini brotssparkskapping, áðrenn vinnarin verður funnin.
Mánadagin 6. apríl, 2. páskadag, hittust HB og B36 í fjórða umfari í ársins landskapping, og tá var úrslitið 2-2 eftir hálvleiksstøðuna 1-1 og eftir, at HB var frammanfyri bæði 1-0 og 2-1.
Seks tær seinastu grannauppgerðirnar eru endaðar soleiðis:
06.04.26: HB – B36 2-2
14.09.25: HB – B36 2-2
06.07.25: B36 – HB 2-2
13.04.25: HB – B36 2-3
02.11.24: B36 – HB 2-2 (HB vann brotssparkskappingina og steypafinaluna)
28.09.24: B36 – HB 2-2
Í Sarpugerði fær Víkingur í kvøld vitjan av FC Hoyvík í næstbestu deildini.
Á Svangaskarði hittast B68 og KÍ. Tá ið B68 11. apríl var í Klaksvík, endaði landskappingardysturin við 6-1 heimasigri.
LØGMANSSTEYPIÐ
Fjórðingsfinalur
Mikudagin 29. apríl
Víkingur – FC Hoyvík: Rúni Gaardbo kl. 18.30
B68 – KÍ: Høgni Madsen kl. 18.30
HB – B36: Dagfinn Forná kl. 18.30
Hósdagin 30. apríl
07 Vestur – NSÍ: Rani Andrasson Skaalum kl. 18.30
